Elkartasun eguna prestatu du, larunbaterako, Lidia Hernandez Zuzeu dendako arduradunak. Haur sahararrentzat arropa biltzeko gune bat egokituko du Tolosako Kale Nagusian duen dendan, eta guztia Oporrak Bakean egitasmoan haurrak etxean hartuko dituztenei banatuko die.
7 eta 14 urte bitarteko neska-mutilentzako udako arropa jasoko du, bai bigarren eskukoa, bai horretarako erositakoa ere.
Bilketa, gainera, egun osokoa izango da, 10:00etatik 13:0era bitarte goizean, eta 17:00etatik 20:00etara bitarte arratsaldean.
Antolatzailearen arabera, Oporrak Bakean programan parte hartzen duten familia eta norbanakoen lana txalogarria da, eta arropa bilketa horiek guztiak txalotzeko modua da.
Horrela, beraz, sare sozialetan nahiz ahoz aho zabaldu du deia, bihar haur sahararrentzako arropa Kale Nagusiko Zuzeu dendan uzteko.