Hain justu, ekainaren 15ean eta uztailaren 13an dituzten epaiketak direla eta. Lehena, Tolosako Limousin etxea okupatzeagatik atxilotu zituzten bi gazteen ingurukoa da, eta bigarrena, berriz, Intxurre tabernan, inauterietan atxilotutako hiru gazteena.
Gaztelako arkuaren inguruan bildu behar izan dute, Trianguloako azoka zela eta. Bertan, norbanako eta eragile ezberdinak bateratu eta egoera hauek salatzea izan da helburua. Egoera horiek, une honetan, honela daude: Okupazioagatik auziperatutako bi gazteei, 3 urte eta bi hilabeteko espetxe zigorra ezarri nahi diete, eta Intxurre tabernan atxilotutako hiru gazteei, berriz, 4 urte eta erdi eta 5 urte eta erdi arteko espetxe zigorra eta 38.000 euroko isun ekonomikoa.
Honekin batera, datozen asteetan ere mobilizazio ezberdinak antolatu dituzte, esaterako, datorren larunbatean, arratsaldeko 17:00etan Trianguloa plazatik abiatuta, Tolosan egingo den manifestazioa. Bertara joateko deia zabaldu nahi izan du gaur Garden Guraso elkarteak, baita 'Gazteak kalean' taldeak ere.