60 urteko bidea, antzokitik

Udaberri dantza taldeko ikastaroetako neska-mutilek Ibilian gara ikuskizuna eskainiko dute, igandean, Leidor aretoan; taldearen 60 urteko bideari errepasoa emango diote.

Urteroko moduan, Udaberri dantza taldeko ikastaroetako neska-mutilak taula gainera igoko dira, ikasturtea biribiltzeko. Aurtengoa, ordea, berezia izango da: taldearen 60 urteko bidea egingo dute, antzokitik. Ibilian gara izenburua aukeratu dute, egitasmoarentzat.

4 eta 14 urte bitarteko 200 gaztetxok bat egingo dute oholtzan, 12:30etik aurrera, eta fikzioa, dantza eta musika uztartuko dituzte. Sarrerak eskuragarri daude jada, Leidor aretoko leihatilan, 4 euroan. Bestela, TOLOSALDEKO ATARIAko zozketan ere izena eman daiteke eskuratzeko.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!