Maiatzaren 14an, 09:30ean, bideo bat grabatu zuen tolosar batek, gero Twitter bidez zabaltzeko. Atari kalean, kultur etxe atzean, kale garbitzaile bat bere lana egiten ari zen; zehazki, kaleko edukiontzi txikietako hondakinak jasotzen.
Badira jada bi urte, Tolosako kaleko edukiontzi txikietan ere gaikako bilketa egiten dela. Garbitzailea, ordea, edukiontzi marroi, gris, urdin nahiz horiko hondakinak poltsa berera botatzen ari zen. Horrela, beraz, herritarrak bideoa sareratu zuen, Tolosako Udalari azalpenak eskatuz.
Txioak hautsak harrotu ditu:127 bertxiotze eta 44 gustuko dut ditu originalak. Oihartzun horren aurrean, TOLOSALDEKO ATARIA harremanetan jarri da Tolosako Udalarekin: udalak erabaki du adierazpenik ez egitea.