Tolosako Udaleko ordezkari politikoak Eusko Jaurlaritzakoekin elkartu ziren atzo, ekonomia hizpide. Olatz Peon Tolosako alkatea eta Begoña Tolosa Ogasun batzordeko zinegotzia bertaratu ziren jaurlaritzaren egoitzara, eta Arantza Tapia Garapen Ekonomikoaren eta Azpiegituren sailburuarekin izan zuten bilera.
Horrela, epe labur eta ertainera begirako proiektu estrategikoez aritu ziren, erakundeen arteko elkarlanaren harira. Olatz Peonek azaldu duenez, "eskertzekoa da jaurlaritzak duen prestutasuna, Tolosarentzat hain garrantzitsuak diren gaiez hitz egiteko".