Esku pilota txapelketaren aurkezpen ekitaldia iragan ostiraletan egin zuten, Tolosako Beotibar pilotalekuan. Bertan izan ziren antolatzaileak, babesleak, udal ordezkariak eta protagonista nagusiak: pilotariak.
Aurtengoa hirugarren edizioa izango da, eta berrikuntza nabarmen bat izango du. Orain arte, txapelketa hiru mailatan zegon banaturik: jubenilak, etorkizunekoak eta nagusiak. Aurten, ordea, nagusien mailarik ez da egongo, eta euren lekuan kadeteak sartu dituzte antolatzaileek. Ondorioz, pilotari zaharrenak 20 urte besterik ez ditu izango.
A eta B taldeetan banatuta 30 pilotari ariko dira lehian, maila bakoitzean hamar. Partida guztiak Tolosako Beotibar pilotalekuan jokatuko dira. Lehen jardunaldian larunbat honetan izango da. 11:00etatik aurrera hiru partida jokatuko dira: maila bakoitzetik bat.
Txapelketari hasiera Bobadilla eta Lasak emango diote. Kadeteen ondoren jubenilak etorriko dira: Baztarrika eta Iriarte. Azkenik, etorkizunekoen mailako partida jokatuko da: Elola eta Expositoren artekoa.
Ioritz Egiguren eskualdeko pilotariekin batera, Aranguren, Salaberri, Alberdi eta Zubizarre bezalako izenak agertzen dira kartelean, txapelketa honek duen mailaren erakusle.