15:00etan egin dute hitzordua, Trianguloa plazan, eta hara bertaratu dira Lehen Hezkuntzako neska-mutil helduenak. Kultur etxeko balkoitik manifestu bateratua irakurri, eta lekuko bana abiatu da: bata Samaniego aldera, eta bestea San Frantzisko pasealekuan gora, Herrikide eta Laskorainen egoitzetaraino.
BatZuk leloa norbere koloreekin margotu, eta astearteko hitzorduaren atariko ederra izan da Korrika Txikia. Guztia, lekukoaren lekuko berriak izango direnei erakusteko, zer nolakoa den munduan hizkuntza baten alde egiten den mobilizaziorik handiena.