Manu Azkarate euskal preso tolosarrak Soto del Real espetxean bizi duten egoera salatu du Espetxe Zaintzako Epailearen aurrean. Senideek esan dutenez, pasa den martxoaren 16an «ondoezik sentitu» eta interfonoa erabili nahi izan zuen mediku bat eskatzeko, baina ez zebilen. Presoek zarata sortu behar izan zuten kasu egiteko eta funtzionarioa 50 minutu beranduago iritsi zen. «Funtzionarioa iritsi eta medikuarengana eraman zuen. Medikuak ondo artatu zuen, oraingoan ez zen ezer larria izan, eta izan balitz?», galdetu dute. Azkaratek kexa azaldu dio Espetxe Zaintzako Epaileari.