Giltzarriaren ekimena argazki bat izan daiteke, biztanleriak modu naturalean, libre, askatasun osoz erabaki dezakeela erakusteko balio duen keinua, eta zentzu horretan, igandean bozka emateko aukera erabili nahiz erabili ez zutenen aukera txalotzekoa dela iruditzen zaigu.
Argi dago ariketa hauek, partaidetza sustatzearekin batera, guztiz demokratikoak direla, eta oraingo hauek ondorengo galdeketa batzuk ekar ditzaketela. Zentzu horretan, euskaldunok erabakitzeko eskubidearen aldeko aldarrikapena ariketara eramatearekin bat egiten dugu,Giltzarriaren eskutik etorritakoa horietako bat dela aitortuz.
Herriak ahotsa du, eta pentsatzen duena adierazteko eskubidea duenez, ez da da zilegi euren burua demokratikotzat duenak adierazpena eta herriaren boza islatuko duen ariketa oztopatzea.
Horregatik guztiagatik, igandean egindako kontsulta edo galdeketa, etorkizunera begirako pauso erraldoiago baterako adibide ere izan daiteke, ondorioz, balorazioa guztiz positiboa da.
Herriak bai baitu hitza. Galde diezaiogun, erabakitzeko eskubidea sustatu, azken batean.
Tolosako EAJ eta EGI