Kadete mailan, Tolosako Gipuzkoa Ogi Berri taldeko Garazi Estebez izan zen irabazlea. Lehenik ihes eginda ibili zen Estebez. Ondoren taldetxo batek harrapatu zuen, eta lasterketa esprintean erabaki zen. Bertan azkarrena Gipuzkoa Ogi Berriko txirrindularia izan zen. Taldera aurten iritsi den txirrindularia da Euskalduna Torneoko liderra.
Jubenil mailan, Nekane Gomezek hirugarren egin zuen, esprint jendetsu batean erabaki zen lasterketan.
Eliteei dagokienez, Gipuzkoa Ogi Berriko txirrindulari bakarrak hartu zuen parte: Eukene Larrarte. Tolosarra ihes eginda ibili zen, 30 kilometro inguru. Harrapatu egin zuten arren, lehen taldean amaitu zuen lasterketa. Larrarte «oso pozik» zegoen lasterketa amaieran, elite mailara igo berria da tolosarra, eta igandekoa zuen bere lehen lasterketa.
