Herrikide ikastetxearen txanda izan zen iragan ostiralean. ATARIA-ko lan egitekoa gertatutik ezagutu eta adi-adi jarraitu zituzten erredakzioan emandako azalpenak. DBH 4. mailako 15 ikasle bertaratu ziren eta lanbidea aukeratzea gertu duten horretan, batek baino gehiagok kazetaritza edota komunikazioaren hautua buruan zuela aitortu zuen.
Erredakzio barruko antolaketak harritu zituen ikasleak. Albiste baten atzean dagoen lanean erreparatzeko tartea hartu zuten lan egiteko moduaz entzunda.
Baina azalpenak entzuteko baino askoz gehiagorako balio izan zuen Herrikideko ikasleen bisitak. Pasahitza magazinean, zuzenean parte hartu eta euren kolaborazioa 107.6 fm-ean entzun ahal izan zen.
'ERAKUTSIZ IKASI'
Hala ere, ez da irratiaren ohiartzuna sentituko duten une bakarra. Erakutsiz ikasi programaren barruan, euren saioa grabatzeko aukera ere izan zuten eta.
Erakutsiz ikasi
Lanbidea ezagutzeko aukera
Egunkarian jasotzen denaren, irratian entzuten denaren edota webgunean jasotzen den horren atzeko lana ezagutu dute Herrikide ikastetxeko DBH 4. mailako ikasleek.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!