Soto del Realetik Alcala-Mecora lekualdatu zuten hilabete hasieran, eta han ez dituzte bere osasun beharrak bermatzen, salatu dutenez.
Manu Azkarate preso tolosarraren senide eta lagunei, eragileak batu zaizkie, azken hilabeteotan, beren protestarekin bat egiteko. Larriki gaixo dago Azkarate eta, behin eta berriz salatzen ari direnaren arabera, espetxeetan ez diote beharrezko osasun-arreta bermatzen.
Hori dela eta, Tolosaldeko Sarek bat egin zuen, atzo, euskal hiriburuetan gaixotasun larriak dituzten presoak askatzeko deituriko mobilizazioekin. Tolosako Trianguloan elkartu ziren, eta Manu Azkarateren askatasuna eskatu, eskualdeko osasun langileekin batera.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!
