Donald Trump bakarrarekin nahikoa ez munduan eta Tolosan gaur bazter guztietatik agertu da, mexikarrei hesia jarriz eta ohikoak dituen astakeriak botaz. Ez da aktualitatearekin zerikusia izan duen mozorro bakarra: ikusi ditugu betiko inauteriak eskatuz plastiko beltzaren atzean ezkutatu direnak, Donostiako urrezko danborra banatzen aritu direnak edota Juanito Loperi omenaldia egin diotenak.
Betiko pertsonaiak ere agertu dira aurtengo Tolosako inauterietan eta aldarrikapenak ere izan du bere tartea. Musika ozen, dantza arin eta irribarrea ezpainetan, hiru eguneko mozorro lasterketari hasiera ezin hobea emanez.