Inauteri giroa iritsi da bete-betean Tolosara. Aiz-Orratz elkarteak antolatzen duen haur jaialdia ospatu da gaur, eta Leidor aretorako kalejiran, erraldoi eta buruhandien konpartsak lagundu die.
Jendetza elkartu da jaialdiaren aurreko kalejiran. Erraldoiek euren dantzak egin dituzte, dultzaineroek musika jarri dute, buruhandiek korrikaldiak haurren atzetik, Aiz-Orratz txarangak kaleak girotu ditu, Txirri, Mirri eta Txiribitonen laguntzarekin.
Leidor barruan, txarangak eman dio hasiera jaialdiari, eta ondoren Txirri, Mirri eta Txiribitonek eman diote jarraipena.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
