19:00etan bilduko dira Plaza Zaharrean: pregoia irakurriko dute eta kalejira abiatuko da 19:15ak aldera. Handik, Solana kalera joango dira, eta Korreo kalean ibili ondoren, Gorriti plazara joango dira. Kale Nagusitik irten eta Berdura Plazan amaituko dute ibilbidea.
Urdiña Txiki elkarteak bere esker ona adierazi die Miguel Angel Moren Gazte Bandaren zuzendariari eta Enrike Arostegi Tolosako Bandaren zuzendariari "urte hauetan guztietan Konpartsarekin izandako eskuzabaltasunagatik". Tolosako herritarrei kalejiran parte hartzeko deia egin diete.