'Erakutsiz Ikasi' programaren barruan burutu dira honako bisitak. Ordubetez erredakzio bateko eguneroko martxa ezagutu zuten ikasleek: albisteen egitura, egunkari baten egituraketa, elkarrizketa baten aurrean nola jokatu, euskarri (papera, irratia, internet) ezberdinari nola erantzun... bezalako galderei erantzuna ematea izan da bisiten eginkizuna.
Ondoren, atal praktikoaren txanda izan zen. Taldeka, 'Ataria' irratiko estudioan sartu, kaskoak jarri eta mikrofono aurreko jardunari ekin zioten neska-mutilek. Egun batez kazetaritza lanbidea gertuagotik ezagutzeko aukera izan zuten honenbestez Tolosako eskola publikoko ikasleek.