Bihar ere, egun osoz, San Frantzisko elizako arkupeetan egotea zen antolatzaileen asmoa, baina herritarren elkartasunak gainezka egin du gaur Tolosan, eta helburua gogotik gainditu du Josu Iztuetaren taldeak. Horregatik, bihotzez eskerrak ematearekin batera, herritarrei eskaera bat egin diete: bihar eramatekoak zituzten arropak etxean gorde ditzatela, hurrengo deialdiaren zain.
Izan ere, bi furgoneta betetzeko jantziez gain, igande goizean kamioia ere irtengo da Serbiarantz. Era berean, 10.000 euroko diru ekarpena ere bildu dutenez, egun batzuk barru beste kamioi bat bete eta bide berean jartzeko moduan izango dira. Horrela, beraz, datozen egunetan jakinaraziko dituzte bilketa-egun berriak.