Abian da V. Ogi Berri txapelketa; lehen jardunaldia jokatu dute gaur arratsaldean Tolosako Beotibar pilotalekuan. Jubeniletan, Telletxea-Garcia nafarrek jokatu dute Zabala eta Zubeldia Zazpiturriko biktearen aurka. "Oso partida gogorra" izan da, eta azkenean, nafarrek eskuratu dute garaipena.
Etorkizuneko mailakoen eta elitekoen txanda izan da ondoren; Lerena eta Irazustabarrenak (Intxurre) jokatu dute Salaberria (Elola bidaniarraren ordez jokatu zuen goizuetar honek) eta Belokiren aurka; azken bikotea izan zen garaile 22 eta 7. Elite mailan, berriz, Peru Labaka (Zzpiturri) eta Sarasa lehiatu dira Prado eta Arratibelen (Aurrera) kontra.
Hurrengo asteburuan, bigarren jardunaldia
Hurrengo larunbatean, urtarrilaren 29an, bigarren jardunaldia jokatuko dute. Jubenilen mailan, Larramendi eta Gaskuek jokatuko dute Mata eta Cordonen aurka. Etorkizuneko mailan, Anso eta Aizpitarte (Intxurre) izango dira Riol eta Zezeagaren aurka. Elite mailan, Arrieta eta Etxegoienek neurtu beharko dituzte indarrak Urbieta eta Olaizola IIIren aurka.