Gazteak Kalean plataformako kideek, otsaila hasiera indartsu hasiko dute, eta dagoeneko prest dute errepresioaren aurpegi ezberdinak ezagutzera emateko egitaraua. Bi hitzaldi eta bi dokumental izango dira, eta dokumentaletako bat, Tolosako gazteek, beraiek, ekoitzi dute beren egoeraren berri emateko.
Gazteak Kalean plataforma 2016ko irailean sortu zuten, «jazarpen polizialari» erantzuteko. 2015eko Tolosako inauterietan Ertzaintzarekin izandako liskarren ondorioz kartzela zigorrak eta isunak, eta bestetik, Ezpala gaztetxearen bigarren okupazioaren ondorioz, zigor ekonomikoa ezarri dieten gazteak daude.
EGITARAUA
Otsailak 1, asteazkena
17:30. Gazteak Kalean dokumentalaren aurkezpena egingo dute, kultur etxean.
Otsailak 2, osteguna
17:30. Ciutat morta caso 4F dokumentala ikusi eta hitzaldia izango da, Rodrigo Lanzarekin, kultur etxean.
Otsailak 3, ostirala
17:30. Grebalariak aske hitzaldia emango du Urtzi Martinezek, kultur etxean.
