Pintaketek iritzi-talka sortu dute herrian, besteak beste, aldarrikapen moldeagatik. Zein iritzi duzu, ordea, pintaketen edukiaren inguruan?
Ez nago batere ados eta, gainera, ez dut gurekiko kritika ulertu. Gure dendan egunerokorako arropa saltzen dugu, eta bi bazkide gara; emakume bat eta gizon bat. Ez dut uste gure arropak estereotipo matxistei jarraitzen dienik. Dena den, uste dut pintaketen kritikak ez direla zuzenki gure dendaren aurkakoak izan; aldarrikapen orokorra izan dela uste dut.
Egileek hori azaldu dute agirian: sistema oso bati egindako kritika izan dela.
Hasieratik pentsatu nuen zentzurik ez zuela gure dendari zehazki egindako kritika bat izatea, baina, hala ere, pena handia ematen dit. Oso ondo dago iritzi hori izatea eta iritzi hori ematea, baina, pintaketena oso itsusia izan da; gauzak ez dira horrela aldarrikatzen. Guk ez diogu inori kalterik egiten, egunero etortzen gara lanera, eta ez daukagu gure produktuen inguruko azalpenak ematen aritu beharrik. Ez nago ados egin duten kritikarekin.