"Dortsal guztiak banatu ditugu, eta batzuek ere parte hartu dute dortsalik gabe eta izen-ematea ordainduz. Eskertzekoa da jendearen parte hartzea, eta baita umorea ere", esan du Irune Larreta Samaniego Ikastetxeko Agenda 21eko koordinatzaileak eta antolakuntzako kideak. Kolonbiako Guabas bailarako Guillermo Leon Valencia eskolak duen Bibliomula proiektuari laguntzeko erabiltzen da Elkartasun Krosean ateratzen den dirua.
Helduen mailan, emakumezkoetan lehen hiruak Maria Lasa, Maialen Muñoz eta Oihana Zubillaga izan dira, eta gizonezkoetan Unai Señoran, Xabier Plazaola eta Aitor Regillaga. Beteranoetan, Eli Agirrezabala eta Unai Señoran izan dira lehenengoak. Mozorrotuta hainbat parte hartzaile izan dira, eta bordondantzariz atera diren laukoteak jaso du saria. Sari banaketan hasi aurretik, antolakuntzak Nerea Perez Plazas arraunlariari saria eman dio urte honetako ibilbidearengatik.