Urteroko hitzordua da jada, eta urtez urtez indarra hartzen duena. Bai, behintzat, ekitaldia hasi aurreko jende ilarari begiratuz gero. Eta, ez da gutxiagorako, Tolosako lehenengo eta bigarren batxilergoko ikasle guztiek bat egiiten baitute, norbere ordezkariekin, Hi haiz, hi! ikuskizuna prestatzeko.
Atzokoak izan zuen balletetik, izan zuzen euskal dantzatik, eta baita publikoa ia zutik jarri zuen funky-tik ere. Dantzatik harago, baina, emakume eta gizon gazteen ahots uztartzeak, hirukote eta gitarraren xarma, bakarka aritzearen ardura eta talde hasiberri baten grina eman zituen, Topic zentroko oholtzan, musikak. Aurkezleen lanarekin ahaztu gabe, noski, haiena izan baitzen oholtza antolatu eta kontatzearen ardura; tartean, Kattalin Miner eta Maialen Lujanbioren iritzi zutabe bana ere irakurri zituzten.
Eta, oholtzakoa gutxi balitz, Beldur Barik film laburren lehiaketara Tolosatik aurkeztutako lanak ere proiektatu zituzten pantaila handian.
Guztia, ezetz esateko: gazteek ere bestelako kale, parke, taberna, ikastetxe eta plazatan bizi nahi dutela esateko. Emakume eta gizon baino, pertsona izan nahi dutela aldarrikatzeko. Gizartearen gaitzik handienari, talentu ziztada bat emateko.