Ostiralean eta larunbatean zeinu hizkuntzan eginiko filmak ikusi ahal izango dira, Tolosan, Zeinu Hizkuntzako VII. Nazioarteko Jaialdiaren barruan.
Ostiralean Retrato de un nueve film luzea ikusi ahal izango da, eta larunbatean, aldiz, film laburren txanda izango da. 16:30etik 21:00etara Bartzelonako Samsung, La personalidad, Una historia más, Celular eta 666 lanak, Madrilgo En 8 días eta No te quiero, Ingalaterrako Honeymoon, Noruegako Ut2 E01 final, Kolonbiako Carolina, Pontevedrako Las Muelas de Cuco, eta Kanarietako Libertad ikusi ahal izango dira. Bukatzeko, Edgar Murilloren La vida perfecta aurkeztuko dute.
Egitaraua
Abenduak 9
- 19:30. Ongi etorria parte hartzaileei, Topic-en.
- 20:30. Retrato de un nueve film luzea, Topic-en (sarrerak 3 euro).
Abenduak 10
- 09:30. Parte hartzaileen topaketa, Kultur Etxean. Era berean, Veruk hitzaldia emango du eta zeinu hizkuntzako zinemak gaur egun duen egoeraren inguruan eztabaidatuko dute.
- 16:30-21:00. Film laburren proiekzioa (sarrerak 6 euro), Topic-en.
- Ondoren, sari banaketa.