Hirugarren edizioak berrikuntza handi bat izango du. Lehen aldiz, martxan jarri berria den Xistera zirkuituaren barruan joango da Elolaren Oroimenezkoa. Ondorioz, Euskal Herri osoko beste hainbat txapelketen pare jartzen da Tolosakoa. Beotibar KE-rentzat egun bereziak izango dira, elkartearen sortzailearen omenez jokatuko baita txapelketa.
Senior eta nagusien mailan zortzina bikotek parte hartuko dute oroimenezkoan. Lehen jardunaldia larunbatean izango da, 18:00etan. Kiniela moduan jokatuko dira partidak, eta puntu gehien lortzen dituzten bi bikoteek osteguneko finalerako txartela lortuko dute. Abenduaren 8an, 11:00etan hasiko da zesta punta jardunaldia. Finalez gain, nesken arteko partida bat jarri dute antolatzaileek, haurrenaz gain.
Bi jardunaldietan sarrera dohainik izango da, eta Txuletaren Festarako txartelak zozketatuko dira ikusleen artean.