Urrian iragarri zuten beren asmoa, eta bada, jada, hilabete, Tolosaldean martxan jarri zirenez geroztik. IREKI mugimenduak Euskal Herriko sinadura bilketarik handietan osatu nahi du –150.000–, eta horra iristeko bilera deitu dute, abenduaren 1ean, 17:00eetan, kultur etxean.
Lantokiz lantoki ekin diote atxikimendu bilketari, baina ate guztiak jo nahi dituzte, urtarrilaren 14ko mobilizazio nazionalaren ondoren, emaitza ahalik eta positiboena izan dadin. Horrela, beraz, bilerara deitu dituzte Tolosaldean ordezkaritza duten sindikatu guztiak: ELA, LAB, EHNE, ENBA, EBEL, Hiru, Eske, STEE, CCOO eta UGT.