"Emakumeon babesguneak beharrezko" direla esan dute feministek manifestazioan eta "aske egingo gaituen teilatu honen babesean", emakumeen etxea behar dutela aldarrikatu dute. "Merezi dugulako", zioen beste pankarta batek.
Alde zaharreko kaleetan egin dute bidea, Batukada Feministaren doinuak jarraituz. Jai giroan, baina protesta ahaztu gabe, atzo Indarkeria Matxistaren Aurkako eguna baitzen eta data horren harira antolatu dutelako manifestazioa.
Tolosan antolatu den egitarauarekin jarraitzeko, Death Proof Quentin Tarantinoren filmaren saio berezia eskainiko dute Leidorren, 22:30ean.