Aurreko urteetan bezala, txapelketan Hego Euskal Herriko ustialekuak parte hartu dute eta hobekuntza genetikoaren eta ganaduzaleen eguneroko lanaren bidez lortu diren lorpenak ezagutzera eman dituzte.
Ferialekuan sektoreko enpresen postuak ere egon dira beraien produktuen eta zerbitzuen berri ematen.
Txapelketaren helburuen artean esne-sektorea sektoretik kanpo dagoen jendeari gerturatzea ere bada. Horregatik, bertaratzen diren guztiek aukera izan dute frisoi arrazako behiak bertatik bertara ikusteko eta baita ekoizten den kalitatezko esnea eta egiten diren produktuak dastatzeko.
Amaieran, biga baten zozketa egin dute Ferialekura gerturatu direnen artean.