Beasaingoa da odolkirik onena

Rebeka Calvo Gonzalez 2016ko aza. 19a, 16:30

Amarozko San Blas elkarteko kideek 24. aldiz egin dute Odolki Lehiaketa. Aurreko urteetan Gabonetako Azoka Berezian egiten zuten, baina aurten, babarrun jateen osagai nagusia izaki, Babarrunaren Festan egin dute. Saria Beasainera joan da, Iñaki Ormazabal harategira. Bigarren Ezkio-Itsasoko Jesus Maria Debak egin du.

Beasaingo Iñaki Ormazabal harategiko Leire Beristainek jaso du saria. Julian Mujikak erretiroa hartu eta gero hartu zuten harategia, eta errezeta mantendu dutela esan du. "Pakik gurekin jarraitzen du, eta hiruon artean, taldean, odolki hau egiten dugu". "Asko mimatzen dugu odolkia. Goxatu eta goxatu egiten dugu, puntua harrapatzen dutenean, txapelketara ateratzen ditugu odolki horiek. Porrua eta tipula egosten jartzen ditugu lehenik, hiru orduz goxatzen dugu, su baxuan, eta gero manteka eta espeziak jartzen dizkiogu", azaldu du.

Bigarren Ezkio-Itsasoko Jesus Maria Debak egin du.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!