Beasaingo Iñaki Ormazabal harategiko Leire Beristainek jaso du saria. Julian Mujikak erretiroa hartu eta gero hartu zuten harategia, eta errezeta mantendu dutela esan du. "Pakik gurekin jarraitzen du, eta hiruon artean, taldean, odolki hau egiten dugu". "Asko mimatzen dugu odolkia. Goxatu eta goxatu egiten dugu, puntua harrapatzen dutenean, txapelketara ateratzen ditugu odolki horiek. Porrua eta tipula egosten jartzen ditugu lehenik, hiru orduz goxatzen dugu, su baxuan, eta gero manteka eta espeziak jartzen dizkiogu", azaldu du.
Bigarren Ezkio-Itsasoko Jesus Maria Debak egin du.