Asteazkenean ekin zioten hitzordu sortari, Él nunca me pegó dokumentalaren proiekzio eta hitzaldiarekin, eta larunbatetik aurrera ere agenda betea izango dute, indarkeria sexistaren jatorri, ondorio nahiz eragileen inguruan aritu nahi dutenek.
Tolosako Berdintasun sailak, urteroko moduan, herriko beste hainbat eragilerekin elkarlanean ondu du aurtengo egitaraua, eta sexismoak barnebiltzen dituen adar desberdinei heldu nahi izan diete: autodefentsa, ondoriorik gordinenetarako; familia, normaltzat hartu ohi diren egoeren aurrean begirada kritikoa lantzeko; dantza, gizarteko jarrera gordinenak artearen bidez adierazteko; manifestazioa, aldarrikapen molde zuzenenak baliatzeko, nahiz LGTBQ kolektiboaren inguruko saioa, indarkeriarekiko ikuspegiak zabaltzeko.
Bihar bertan izango da autodefentsa feminista ikastaroa, Usabal kiroldegian, goiz eta arratsaldez. Egitaraua, berriz, abenduan biribilduko dute:
