Gutxitan ikusten da Beotibarko kantxa, hain beteta. 16:30ean hitzordua zuten mus zaleek, eta ederki erantzun diote deialdiari: 164 bikotek izena eman dute XVI. mus txapelketa azkarrean.
Lehen faseari ekiteko bikote gehiegi ziren, ordea, eta, zotz eginda, zenbait bikotek sailkapen inprobisatua jokatu behar izan dute, txapelketa 127 bikoterekin hasi ahal izateko.
Fronton kafetegiak antolatuta, irabazleek 1.300 euroko ordainsaria jasoko dute, eta lehen zortzi bikote sailkatua ere etxera gustura joateko moduan izango dira:
Txapeldunak: 1.300 euro, txapelak eta garaikurrak.
Txapeldunordeak: 600 euro eta garaikurrak.
3.postua: 300 euro
4. postua: 150 euro
5. postua: 100 euro
6. postua: 100 euro
7. postua: 100 euro
8. postua: 100 euro
9. postua: 100 euro
Aipatzekoa da, gainera, kontsolazio txanda moduko bat ere izango dira, eta 400 eta 200 euro irabaziko dituztela, hurrenez hurren.
Bi finalak afalondoren jokatuko dituzte, Beotibar pilotalekuan bertan.