Zutani herri mugimenduko kideek jatekoa euren kabuz biltzeko aukerarik ez duten pertsonei laguntzeko egiten dute lan. 202 familiari ematen diete jatekoa, hilero-hilero, 600 bat pertsona guztira. Eurek lagundu ahal izateko ordea, eurei ere lagundu behar zaie, eta hori dela eta Pintxo Tour Solidarioa egin dute gaur. Mundu guztiko jakiak dastatzeko aukera izan da, eta bertan bildutako dirua euren eguneroko jardunari eusteko erabiliko dutela esan du elkarteko Arantxa Iruretagoienak. Era berean, haurrei barazki eta fruta freskoak emateko beharraz hitz egin du.
Crepe marokiarrak, haragi pasteltxoak, Argentinako enpanadak, babarrunak, gildak, Kolonbiako kroketak... mundu osoko zaporeen bilgune izan da gaur goizean, Tolosako Trianguloa. Zutani elkarteak Pintxo Tour Solidarioa antolatu du dirua biltzeko eta jende asko gerturatu da ekitaldira.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!