Joan den astean iragarri bezala, TOPA koordinakundeak gaur goizean ekin dio azaroko mobilizazioen agendari. Asuncion klinikak Aurrera eginez, parekidetasunerantz izeneko jardunaldia antolatu du Topic zentroan, eta TOPAk "kontraesantzat" jo du hitzordua bera.
Hori dela eta, elkarretaratzea egin dute eraikinaren atarian, eskualderako kudeaketa publikoko ospitale publikoa aldarrikatuz. Deialdi garrantzitsuena, ordea, larunbatekoa izango da. Informazio batzarra deitu dute, 12:00etan, kultur etxean eta, besteak beste, azken bost urteotako ibilbidea baloratuko dute, Asuncioneko kudeatzaileekin izandako bileraren berri ematearekin batera.