Iaz epaileekin, eskualdeko biktimekin nahiz bake eraikuntzan ari diren naziorteko emakumeekin hasitako bidea jarraitu nahi du Tolosako Bizikidetza Foroak, eta azaroaren 10a aukeratu dute, neguko zikloa irekitzeko: Memoriaren Nazioarteko Eguna.
Gaur hasita, hiru hitzorduren bueltan gatazkaketa haien konpontzeak hizpide izango dituzte, hainbat leihotatik, eta Giza Eskubideen Nazioarteko Egunarekin itxiko dute egitaraua, abenduaren 13an.
LETREN MUNDUKO BEGIRADA
Letra eta humanitateen munduaren begirada eskainiko du bizikidetza foroak prestatutako egitarauak, memoriaren inguruan. Horrela, gaurko hitzorduak hiru euskal idazleren ahotsa bilduko du, pleno aretoan: Laura Mintegi, Harkaitz Cano eta Aingeru Epaltzak Literatura, memoria eta gatazka mahai ingurua mamituko dute, 19:00etatik aurrera, Tolosako udaletxeko pleno aretoan.
NEGUKO ZIKLOA
Azaroaren 10a, osteguna
19:00. Literatura, memoria eta gatazka mahai ingurua, Laura Mintegi, Harkaitz Cano eta Aingeru Epaltzarekin. Pleno aretoan, euskaraz.
Azaroaren 30a, osteguna
19:00. Komunikabideak, elkarbizitzaren eraikuntza eta memoria mahai ingurua, Iñaki Soto (Gara), Lourdes Perez (DV) eta Bigen Zupiriarekin (Deia). Pleno aretoan, ele bietan.
Abenduaren 13a, asteartea
19:00. Mariposas en el hierro dokumentala proiektatuko dute Topic-en. Ondoren, Bertha Gaztelumendi zuzendariarekin solasaldia izango da. Gazteleraz.