Altzoan elkarteak gonbidatuta aritu da Tolosan Maite Arroitajauregi Mursego. Ahotsa, Casio teklatua, oukelelea, autoarpa, marakak eta jostailuak erabili ditu ume eta gurasoekin batera musika sortzeko.
"Musika bizi behar dela transmititu nahi diet umeei", esan du Mursegok. Kontzertu parte hartzaile eta aktibo bat eskaini du, Tolosako kultur etxeko areto nagusia jendez lepo zela.
Eibartarraren ustetan musika bizi egin behar da, barneratu, "eta horretarako modurik onena modu aktibo baten jasotzea da: abestuz, lagunduz, dantzatuz eta erne entzunez".
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!