Igandean sinatu zuten Bruselan Europako Batasunaren eta Kanadaren arteko CETA merkataritza ituna; Bide batez, Europako Batasuna, TTIP ituna negoziatzen ari da AEBekin.
"Demokrazia eta giza eskubideen gainetik multinazional eta finantza boterearen alde" egiten da itun hauekin, gaurko protesten antolatzaileen ustez. Gelditu daitezkeen ekimenak direla esan dute eta horretarako informazio mahaia jarri dute gaur Tolosako Triangulon.
Gaur, Europa mailarako egin den deialdiari babesa eskainiko diote Euskal Herriko Eskubide Sozialen Gutunaren barnean dauden sindikatu eta eragile sozialek. Donostian, manifestazioa 17:00etan abiatuko da, Bulebarretik.