Gaur goizean egin dute 48. Tolosako Abesbatza Lehiaketako sari banaketa. Indonesiako Batavia Madrigal Singers abesbatzak lortu du sari nagusia. Sari horretaz gain, polifonia eta folklore modalitateko lehen postua lortu dute indonesiarrek, ganbera abesbatzen artean.
Polifonia zein folklorea modalitateko sailkapena bera da. Esloveniako ST. Nicholas Choir Litija abesbatzak lortu du bigarren saria bi modalitatetan; hirugarren sariak, berriz, Letoniako Female Choir Balta abesbatzak eskuratu ditu. Folklorea modalitatean, Euskal Herriko Vocalia taldearekin elkarbanatu du postua.
Euskal Herriko Vocalia taldea bikain
Ahots taldeei dagokionez, Suediako Svanholm Singers izan da txapelduna. Talde horrek irabazi ditu musika profanoari eta erlijiosoari dagozkion lehen sariak. Musika profanoari dagokionez, bigarren saria Erresuma Batuko Apollo 5 taldeak irabazi du eta hirugarren saria etxean geratu da: Euskal Herriko Vocalia taldeak lortu du.
Musika erlijiosoari dagokionez, Alemaniako Ensemble Nobiles taldeak irabazi du bigarren saria, eta hirugaren postua Euskal Herriko Vocalia taldearena izan da.
Euskal Herriko taldeak euskal abesti baten interpretazio onenaren saria ere irabazi du Lau Teilatu abestiarekin. Abesti hori kantatu dute sari banaketan ere, eta oilo ipurdia jartzeko moduko emanaldia izan da.
SAILKAPENA:
Sari Nagusia
Batavia Madrigal Singers (Indonesia).
Entzulegoaren Saria
ST. Nicholas Choir Litija (Eslovenia).
Ganbera abesbatzak, polifonia
1. Batavia Madrigal Singers (Indonesia).
2. ST. Nicholas Choir Litija (Eslovenia).
3. Female Choir Balta. (Letonia).
Ganbera abesbatzak, folklorea
1. Batavia Madrigal Singers (Indonesia).
2. ST. Nicholas Choir Litija (Eslovenia).
3. Female Choir Balta/Vocalia (Letonia/Euskal Herria).
Ahots taldeak, musika profanoa
1. Svanholm Singers (Suedia).
2. Apollo 5 (Erresumar Batua).
3. Vocalia Ahots Taldea (Euskal Herria).
Ahots taldeak, musika erlijiosoa
1. Svanholm Singers (Suedia).
2. Ensemble Nobiles (Alemania).
3. Vocalia Ahots Taldea (Euskal Herria).
Euskal abesti baten interpretazio onenari
Vocalia taldea (Euskal Herria).