Hiru egunetatik azkenekora heldu dira jada. Meza nagusiarekin hasi dute eguna eta jarraian, Alegiako Sutarri dantza taldeak ikuskizuna eskaini du frontoian. Bukatzearekin batera, mahai eta aulkiek hartu dute frontoia eta herri bazkariarekin eman diote jarraipena egunari. Arratsaldean, 18:00ak aldean, herri kirolak izango dituzte ikusgai: Iñaki Kintana eta Asier Pellejero aizkolariak eta Idoia Etxeberria harri-jasotzailea ariko dira. Azken erakustaldi honekin amaituko dira aurtengo Aldabako San Migel jaiak.