Gazte mugimenduko militanteak dira Ibai Julian, Aitor Tolosa eta Unai Sukia, eta 2015eko Inauterietan izandako liskar bat dela eta atxilotuak izan ziren. Ertzaintzak "selektiboki" atxilotu zituela esan dute eta muntai polizial bat egin zutela nabarmendu dute. Orain hileko lehen egunetan epaitegira joan behar dute sinatzera eta gaur horretara joan behar zutela eta, gazteen babesa jaso dute epaitegiaren aurrean, elkarretaratze batekin.
Unai Sukiak gaurko elkarretaratzearekin bi salaketa egin nahi izan dituztela esan du. Batetik, muntai polizial batean kokatu du 2015ean gertatutakoa eta nabarmendu du arrazoi politikoengatik atxilotu eta epaitu dituztela, eta bestetik, "gazte mugimenduarentzat arrotzak diren instituzioetara hilero sinatzera etorri behar izatea" salatu du.