Partidari dagokionez, bagenekien ez zela erraza izango. Argi daukagu aurten ez dela asteburu errazik izango, eta aurkariak asko ezagutzen ez ditugunez, hobe dugu ideia horrekin aurre egitea.
Aldageletan dena argi utzi eta gero, gogotsu atera ginen beroketara. Lehenengo minututik konturatu ginen asko borrokatu beharko genuela Bizkaia aldetik zerbait ekarri nahi bagenuen, hasieratik gogor atera baitzen etxeko taldea. Azkar jarri ginen markagailuan atzetik, eta gutxi ez balitz, aldea handitu zuten beste behin. Aldea gutxitzeko gogoz, 2-1ekoarekin iritsi ginen etenaldira. Partidari buelta eman nahi genion eta intentzio horrekin hasi zen bigarren zatia, baina ilusio pixka bat egiteko denborarik eman gabe sartu zuten elorriotarrak beraien hirugarren gola. Hortik aurrera asko kosta zitzaigun burua altxatzea.
Nahiz eta golpe handiegia izan, hobetzeko asko lagunduko digula uste dugu. Talde gaztea gara eta horrelako partidak esperientzia hartzeko balio izango digute. Pixkanaka joango behar dugu denak hobetuz eta emaitza hobeak iritsiko direlakoan konbentzituta nago.
![[Aulkitik] «Emaitza hobeak iritsiko dira»](https://ataria.tok-md.com/argazkiak/%2011/Captura%20de%20pantalla%202015-03-31%20a%20las%2011.30.42.png)
Lehen partida zen denboraldi honetan, etxetik kanpo jokatzen genuena. Eguerdian Usabalen geratu eta abiatu ginen Elorrio aldera. Uste baino lehenago bertan geunden eta eguraldi ona aprobetxatuz, udarako koloreak luzatzeko aprobetxatu zuten batzuk.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!