«Eguraldia ez dugu lagun izan, baina horrek ez du zapuztu parte hartzea». Artubi Elkartekoek dena bikain prestaturik zuten, eta horrek giro ona sortzen lagundu zuen.
Proba 09:00etan hasi bazen ere, aurrez, 22 zaldiek albaitariaren kontrola pasa zuten. Parte hartzaileek 13 kilometroko ibilbideari bi itzuli eman zizkioten, Bedaioko kaskoan hasi eta amaituz. «Lehen esan bezala, eguraldi kaxkarra izanagatik, giro politaz hitzegin behar da. Euriari aurre eginez jendea alai eta motibaturik agertu baitzen Bedaion partera». Guzti horrengatik, balantze «polita» egin dute bedaiotarrek: «Hurrengo urteari begira eguraldi hobea besterik ez dugu eskatzen, bedaiotar zein lasterkari eta laguntzaileek».