Goizean goizetik, bidegorrietatik barrena ibili dira bizikletaz eta patinetan. Batzuk, Asteasutik abiatu dira eta besteak Ikaztegietatik, Tolosan elkartzeko asmotan. Jarraian, familia osoari bideratutako jarduerak izan dira: puzgarriak, jumping-a, pedaletako kart-pistak, zurezko jolasak, Tolosako patinatzaile taldearen erakustaldia eta Parktour tailerra. Eguerdian, Gu taldeak kontzertua eskaini du eta antzerki saioa izan da bazkal ondoren, Intujai taldearen eskutik.