Hilabete bakoitzeko hirugarren larunbatean bigarren eskuko eta truke azoka egiten dute Tolosan, Ana Yurd elkarteak antolatuta. Hori horrela, bihar, 16:30etatik 19:30etara, Berdura Plazan elkartuko dira.
Azokan aurrez eman daiteke izena, ixitin@gmail.com helbidera idatzita edo 622412266 telefonora deituta.
Egitasmo honekin alferrikakoak diren objektuei aterabidea bilatu nahi diete. Halaber, dirurik gabeko funtzionamendua ere garatu nahi dute truke sistemarekin. Ana Yurd elkarteak jakinarazi gisan, birziklatutako materialarekin egindako eskulanak eta artisau lanak saldu eta trukatu egingo dituzte. Azoka doakoa da.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?