Hasiera gazi-gozoa eman diote Tolosa Eskubaloiko jokalariek, denboraldi historikoari. Lehen zatian, defentsa ona erakutsi zuten tolosakoek, baina, kataluniarren kanpoko jaurtiketa bortitzek harresi urdina hausten zuten. Erasoan ondo baino hobeto aritu ziren, nahiz Bartzelonako atezaina oso fin ibili. 12-14 emaitzarekin joan ziren jokalariak aldageletara.
Atsedenaldiaren ostean, Bartzelona B oso indartsu atera zen kantxara, norgehiagoka ahal bezain azkar ixteko xedearekin. Epailearen zenbait erabakik kalte egin zieten tolosarrei, esate baterako, Estanisen kanporatzeak partida erabakita utzi zuen; bi golen aldea izatetik, lau golen aldea izatera igaro ziren kataluniarrak.
Puntuak biltzeko abagunea izan arren, sentsazio onak utzi zituzten urdinek Usabalen. Antza, etorkizunean kalitate handiko eskubaloia ikusteko aukera izango da Tolosan. Hurrengo partida Kordoban izango dute ARS Palma del Rio taldearen aurka; larunbatean, 18:00etan.