Festak antolatzen hasi ziren kuadrilletako bat arduratu da suziria botatzeaz. Ondoren, buruhandien aurretik ibili dira haurrak korrika, eta eztarria bustitzeko aukera izan dute txokolatadarekin.
19:30ean, trikipoteoa izango da albizturtarren eskutik, eta 20:45etan afaria egingo dute danborradako kideek. 22:30ean, danborrada izango da auzoko kaleetan Bonberenea txarangak lagunduta, eta festetako lehen eguna amaitzeko, Han eta Sorkun taldeen emanaldia izango da gauerditik aurrera.
Bihar jarraituko du festak auzoan, eta honako egitaraua antolatu dute:
Irailak 3, larunbata
11:00. Entzierro txikia Zabalarreta parkean.
14:00. Auzo bazkaria Izaskun plazan.
17:00. Musika dantzaldia gazte eta helduentzat.
19:00. Sagardo dastaketa Izaskun plazan.
21:00. Zahagi ardoa Izaskun plazan.
00:00. Kontzertua: Bonberenea txaranga Bihar ez da gaur.
