Pablo Etxenike eta Nagua Alba Ahal Duguko kideek jakinarazi dituzte barne hauteskundeen emaitzak. Pili Zabala tolosarraren zerrendak jaso ditu bozka gehien -botoen %52,09 lortu du, 2.167 boto-.
Nagua Alba Ahal Duguko idazkari nagusiak zoriondu egin du Pili Zabala, eta nabarmendu du "ohore" bat dela Pili Zabala bezalako pertsona bat beren alderdiko zerrendaburua izatea. "Pozik egoteko eguna da, oso zerrenda aberatsa eta anitza lortu dugu, eta gizarte zibileko pertsona baliotsuak gure zerrendarekin bat egitea lortu dugu", nabarmendu du Albak.