Kulturari begirako jarduera geldiezinagatik ezagunak baldin badira ere, Bonbereneak beti hartzen du tarterik, kirolari keinu txikiak egiteko. Udako futbol txapelketa horren erakusle da, eta 11. lehia jokatzen ari dira gaur, etxe ondoko belazean.
Goizetik iluntzera, ordu erdiz behin izango dira norgehiagokak, kuadrillen artean, eta finala, berriz, 18:10ean jokatuko dute. Txapelketak sortzen duen lagunartea izan ohi da, ordea, partidarik onena, eta horretara bideratuko dute lehiako jokaldirik onena: iluntzean, parte hartzaileen parrilladak biribilduko du baloiaren bueltan igarotako eguna.
Talde eta partiden ordutegia ikusteko, sakatu hemen.