Euskadi Fundazioko 20 urteko txirrindulari tolosarrak bere Facebook kontuan iragarri du albistea. Esker oneko hitzak izan ditu San Sebastianek bere agur mezuan.
"Urte onak izan dira baina bizikleta uzteko ordua heldu da. Eskerrik asko bihotzez, nire bidean lagundu nauzuen guztioi eta nire alboan egon zaretenoi. Eta eskerrik asko taldeari, momentu gogorrenetan jasotako tratua momentu onenetan jasotakoa bezain ona edo hobea izan delako eta asko lagundu nautelako".
Xabier San Sebastian Oriako Limoussin Txirrindulari Eskolan eman zituen bere lehen pedal kolpeak. Euskadi Fundaziora joan zen afizionatuetan, eta Cofidis-ekin ere lehiatzeko aukera izan zuen.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!