Irteera herrikoia patinetan

Irristaka taldeak antolatu du, Tolosako Udalaren eta Ipar Rollerren laguntzarekin. Ibilbidea Tolosako kaleetan barrena izango da, eta 4 kilometroko luzera izango du.

Maila eta adin ezberdinetako patinatzaileentzako zuzendua dago, erabat herrikoia izango da. Errepidean zehar, patinatzaileen segurtasuna bermatzeko, Udaltzaingoaren laguntza izango da. Alhondigan 20:15etan elkartu, eta irteera 20:30etan izango da, San Frantzisko elizaren aurrean.