Joan den ekainaren 18an Tolosako elkarteen topaketa izan zen, eta Pausoka elkarteari laguntzeko baliatu dute, aurten, hitzordua. Estropadak zirauen bitartean rifak saldu zituzten, eta jada badira hainbat irabazle. Tolosako zenbait tabernak bat egin zuten elkartasun helburu horrekin eta, beraz, zenbaki saridunek otordu bana izango dute taberna horietan, bi pertsonarentzat: 064 zenbakiak Agustinen; 946ak Ikatzan; 942ak 19/90n; 191ak Solana 4n; 548ak Orbelan eta, azkenik, 054ak Asteasuarran.