Goiza patata tortilla lehiaketa eta sagardo dastaketa artean pasa dute. Arratsaldean berriz, haurrak eta helduak, guztiak ibili dira jolasean. Gaztetxoenak ume jolasetan, besteak beste, lokotx biltzen, zaku karreran, aulki jolasean... Helduagoek, aldiz, boloetan eta tokan jokatzeko aukera izan dute. Joko batetik bestera ibili dira trikitilariak giroa alaitzen eta ez da umore eta pozik falta izan festen azken arratsaldean.